وجودك كفايه

هنا و مينفعش يسيبه أكيد نزل إجازة بس و جاي وبالفعل بعد يومين سمعت باب شقته بيتفتح كنت ھموت وافتح الباب و أشوفه و من حظي الحلو لقيت بابا بيخبط جريت ع الباب علشان افتحه لقيت بابا بيسلم ع مالك و في ناس تاني معاه كده كانت ست كبيرة لابسه عباية سودا تشبه ل مالك و راجل ف سن بابا و واقفين بيتكلموا 
_ طيب تعالوا اتفضلوا يا جماعة أكيد لسه جايين من سفر و تعبانين الاكل جاهز عندنا والله يالا يا مالك يابني
_ شكرا يا عمي مفيش داعي ربنا يخليك
و فجأة لقيت بابا بيبصلي 
_ تعالي يا قدس يا حبيبتي سلمي ع أهل مالك 
كنت واقفة محرجة و انا حاسة أنه نظراتهم كلهم عليا 
قربت مني والدته و لقيتها بتسلم عليا و بتحضني
_ كيفك يا ست البنات
ابتسمت
_ الحمد لله يا خالتو و حضرتك عامله ايه 
_ بخير يا بتي الحمد لله
و بعد ما سلمت عليهم كل واحد رجع ل شقته و أنا دخلت اوضتي و أنا عمالة أفكر هما أهل مالك جم ليه معاه المرة دي 
و جالي الجواب ل سؤالي بعد يومين اللي كان بمثابة صدمة و هو إن مالك طالب إيدي ! 
فرحتي مكنتش سايعاني بعد ما بابا قالي إن مالك راحله الشغل و طلب ايدي منه بشكل رسمي و إن اهله جم معاه المرة دي علشان يكونوا حاضرين كل حاجة و يشوفوني . 
_ وردة انا تقريبا طايرة من الفرحة .
ضحكت
_ انا لسه لحد دلوقتي مش مصدقة بقي الصعيدي التقيل وقع ف بنت البندر القمر ! 
_ كنت حاسة أنه ربنا مش هيخيب ظني والله دعيت بيه كتير و اهو جه
_ الحمد لله جدا والله طيب ها رديتي ع عمو ولا لسه 
_ مينفعش ابقي مدلوقة كده يقول عليا ايه كنت مستنية! انا هصلي استخارة الأول و بعدين هرد خصوصا أنه بابا قالي أنه عايز كتب كتاب ع طول.
_ لا ده مستعجل أوي بقي.
_ والله إن جينا للحق ف انا مستعجلة اكتر منه
ضحكت بصوت عالي
_