حياة طبيب نفسي

تعبك نفسيا ! 
أيوة وبقيت مش عارفة اعيش حياتي عادي بقيت مش قادرة اشوف مكان غير وطيفه فيه كل حاجة بتفكرني بيه وبذكرياتنا سوا كانت حياتنا مثالية لغاية ما دخلت بينا أمه 
كان معاذ يرهف السمع لها باهتمام شديد دون التحدث ومقاطعتها يتفهم كل ما تنطق به وهو يفكر فيه للوصول إلى حل يريحها حتى قالت پحقد وغل دفين 
أمه عرفت بعلاقتنا فاتعصبت وقالتله ازاي تحب واحدة وأنت متجوز ومخلف 
فتح معاذ عينه پصدمة تداركها سريعا نظر حوله ثم أعاد التحديق بالفتاة متسائلا بتعجب 
وهو فعلا متجوز ومخلف 
ايوة 

صمتت قليلا ثم هيت للدفاع عنها وعن حبيبها بعدما رأت نظرة استنكار تعلو ملامح معاذ 
بس هو مش بيحبها يا دكتور بيقولي أنه اتسرع في جوازهم وعمره في حياته ما قدر يميل ليها وأنه مش بيحب غيري 
طب وأمه ليه تدخل بينكم كان من باب أولى تكون زوجته لو هي مهتمة بجوزها 
اعتدلت الفتاة في جلستها وهي تقول بجدية 
ما هي مراته عرفت وضغطها علي واتحجزت في المستشفى عشان كده أمه هي اللي دايما واقفة ليا 
كتب معاذ شيئا في دفتره وقال 
وأنت مش شايفة نفسك غلطانة ! يعني خليتي بنت زيك تعاني من الضغط وتتحجز في المستشفى مفيش أي شعور بالذنب ! 
لوحت الفتاة بيدها في الهواء غير عالية بكل ما يقوله في الحقيقة 
هي اساسا كان عندها الضغط والسكر والروماتيزم من قبل ما تعرف وكمان خشونة في الركبة 
اتسعت اعين معاذ قليلا وهو يحاول تحليل ما تقول ونطق دون أن يجعل صډمته واستنكاره يتغلبون على عمليته في العمل 
يعني كمان سيدة مريضة استغليتوا مرضها أنت وجوزها ! ده بدل ما يساعد مراته أنها تعدي محنتها يروح يعرف واحدة عليها ! 
ومجددا اندفعت لتدافع عن حبيب قلبها 
لا يا دكتور متظلموش اصل هو مش هيقدر يساعدها لأنه عنده ۏجع في فقرات العمود الفقري وكمان عنده الضغط والسكر زيها 
تعجب معاذ كل ما تقوله وتنطق به 
أنت عرفتي العيلة دي من مستشفى القصر العيني ولا ايه ! ايه كمية الأمراض اللي عندهم دي شباب زيهم يبقى عندهم كل الأمراض دي ازاي هما قرايب والأمراض دي وراثه ولا ايه 
لا يا دكتور مش قرايب خالص ده حتى أمه هي اللي اجبرته يتجوزها ودلوقتي لما حبني وقرب مني منعته يتجوزني وقال ايه بيحب واحدة قد عياله 
ضيق معاذ عينه وقال بتحفز 
ليه هو العريس كام سنة ! 
سبعة وخمسين سنة 
فتح معاذ عينه پصدمة وقال لا يصدق ما يسمع 
س..سبعة وخمسين سنة سبعة وخمسين سنة وقد عياله ده أنت قد احفاده يابنتي ليه تعملي في نفسك كده 
أشارت عليه الفتاة بحنق وغيظ شديد وقد بدأت دموعها تتساقط 
شوفت اديك زي أمه اهو وبتقول نفس كلامها الحب ميعرفش سن يا دكتور 
ميعرفش سن ده الحب معداش عليه السن من أصله انت مش مستوعبة بتقولي ايه بعدين تعالي هنا أمه ازاي يعني الراجل على مشارف الستين وأمه لسه عايشة هي من المعمرين في الأرض ولا ايه 
زفرت الفتاة بضيق وهي تردف 
هو أنا جاية عشان تشوفلي حل يا دكتور ولا تتكلم زيهم 
حاول معاذ تهدأه نفسه وقال 
أنا مش بتكلم زيهم أنا بتكلم بالمنطق تقدري تقوليلي راجل في السن ده ازاي هيقدر يعيش معاك شبابك وازاي هتقدري تجيبي منه اولاد اصحاء وحتى لو جم ضامنة أنه يعيش لغاية ما يربيهم 
وكان الرد منها هو اماءة وكلمات خرجت بعناد وتحدي 
أنا وهو فكرنا في كل ده يا دكتور وعارفين اللي ممكن يحصل وعاملين حسابه 
طب طالما أنت عارفة ده كله جاية ليا ليه ! 
نظرت له بلهفة وهي تقول بسعادة 
جاية عشان أسألك ازاي ممكن اقنع اللي حواليا أنهم يوافقوا على جوازنا 
ابتسم ليها معاذ ساخرا 
مش لما اقتنع أنا الاول أنت محتاجة فعلا علاج نفسي لأن التفكير ده غير سليم وھيأذيك 
نظرت له الفتاة بحنق شديد ومن ثم حملت حقيبتها وخرجت من المكتب وهي تصيح في انفعال 
الظاهر غلطت لما جيت ليك يا دكتور الكل قال عليك شاطر وأنت لا شاطر ولا نيلة أنا هتصرف 
ضړب معاذ كف بآخر وقال 
يعني جاية ليا ومتوقعة اعمل ايه يعني ! اكون شاهد على عقد جوازكم ! 
في الوقت الحالي 
قالت سلمى پصدمة 
٥٧ سنة يا نهار ابيض ! طب وحصل ايه ! رجعت تاني ليك ولا لا 
ابتسم معاذ بسمة غريبة وهو يردد پصدمة لم يتخطاها بعد 
رجعت تاني وجابتلي معاها حماتها عشان اعالجها وشايفة انها هي اللي