احببت زعيم ماڤيا

احبني زعيم عصابة
بقلمن ورهان حلمي
مفيش اجمل من ان الحدوته اللي كنت راسمها في خيالك تتحقق والشخص اللي كنت بتتمناه يبقى خلاص كلها ساعات وترتبط باسمه العمر كله ما كنتش قادره استوعب اني واخيرا هتجوز الشخص اللي بحبه والدار هتبقي امان معقوله واخيرا هتحصل حاجه كان نفسي فيها بعد كل الحاجات اللي انا خسرتها دي في حياتي
قطع سلسله افكاري بيه شكله هو واقف بالبدله ورايا كنت شايفه انعكاسه في المرايه وهو بيبتسملي بإنبهار
يوسف
مش قادر اصدق ان الجمال ده كله هيبقى ملكي لوحدي
رنيم مبتسمه
حاسه اني بحلم بجد يا يوسف واخيرا هنبقى مع بعض انا كان حلم حياتي اللي حاليا بيتحقق قدام عيني دلوقتي

يوسف
دي لسه البدايه يا رنيم ما تضيعيش انبهارك في اللحظه الاولى لان في لحظات جايه دلوقتي هتحتاجي طاقه كبيره عشان تعبري بيها عن اندهاشك
رنيم
خليت عندي فضول اكبر اني اعرف المفاجاه اللي مستنياني بقالك اسبوع بتقوللي عليها حتى رفضت انك تديني تلميح يطفي فضولي شويه
يوسف
كل حاجه في وقتها حلوه يا بنوتي... ودلوقتي حاولي تاخدي نفس عميق وتستعدي قبل ما ننزل
رنيم
هو احنا هننزل دلوقتي ده انا مش سامعه صوت حد خالص تحت!!!
يوسف
انت عارفه ان ما حدش هيجي من نحيتك غير نيره اختك اللي كانت معاكي في دار الايتام وانا من ناحيتي ما فيش كتير برده غير كام واحد صاحبي عشان كده اخترنا اننا نعمل فرح في قاعه الصغيره دي عشان ما نعرضش شكلنا للاحراج بما ان انا وانت ملناش حد
رنيم بتنهيدة
ما تزعلش نفسك يا حبيبي بكره املالك الدنيا ولاد و اعوضك عن كل الفراغ ده بعد ما يبقى لينا عزوه مننا احنا الاثنين بكره نكون عيله كبيره وننسى كل الايام الصعبه اللي عشناها انا وانت
يوسف
مش هتبطلي تبقي عاطفيه بقى يا رنيم مين قال لك ان نفسي اخلف اصلا واجيب لي ولاد يصدعوني ويخليوني ڠصب عن عيني اشيل المسؤوليه
رنيم
انا بجد مش قادره افهم انت بتفكر في ايه معقوله في واحد في الدنيا مش عايز يخلف..
يوسف
مش وقته الكلام ده خلينا الاول ننبسط في اليومين اللي احنا داخلين عليهم بالذات انت لازم تصفي ذهنك لانك داخله على مرحله جامده هتستنفذ كل طاقتك
ضړبته على كتفه وانا ببص له بغيظ
رنيم
ده كلام تقوله لوحده داخله على جواز حرام عليك ده انا متوتره من غير حاجه وانت بتزيد توتري اكثر مش بدال ما تقول لي ان الحياه معاك هتكون جميله والحاجات اللي بيقولوها الناس دي
يوسف
انت وضعك مختلف شويه يا بنوتي عشان كده مش هينفع معاكى الكلام اللي بيتقال لاي حد فى فرحه
رنيم
طيب اطلع بره بقى سيبني اخذ نفس كده خمس دقائق وبعدين ابقى تعالى وخلينا ننزل كفايه تضييع وقت لحد كده
يوسف
هتعملي ايه يعني في الخمس دقائق دول
رنيم
هحاول اخد نفس واستعد للنزول تحت انت عارف اني شخصيا انطوائيه جدا وعندي راهب اجتماعي عشان كده وجودي قدام الناس هيكون صعب شويه عليا
يوسف
تاني هتقول للناس... يا بنتي بقول لك ما فيش حد تحت غير صاحبتك واصحابي انا كمان يعني ما فيش حاجه تستدعي كل التوتر ده خلصي بقى عشان كل ده من وقتنا واحنا عايزين نلحق السهره بدري ولا ايه رايك
بصيت لي شويه بتفكير وانا بحاول اخد نفس وبعدين حطيت ايدي في ذراعه وطلعنا من اوضه اللبس ونزلنا على السلم بهدوء كنت مستغربه ازاي ما فيش صوت اغاني ولا حتى اضواء تبين ان في فرح!!!
رنيم
هو ايه كل الهدوء ده يا